جريدة النجم الوطني
alnigm.com/gif2.gif

صوت النـاى للشاعر/محمد سعيد

0 13

صوت النـاى للشاعر/محمد سعيد

مفتتح

من قد إيه المعنى متعطش لنسمه ترد روح

من قد إيه ما سمعنا غنيوة حنين

زى البنفسج قادرة تتحدى الجروح

صوت الشجن

أصبح يا عالم مضّحكة

حتى البُـكا

بقى زيه زى حاجات كتير

مُـستهلكة

من قد إيه يا صوتى متشوق اليك

من قد إيه يا دمع وانا صابر عليك

من قد ايه راضــى أنا

تمسح هموم قلبى بإيدك

وتغنى غنواية شجن

تبقالى رغم الجوع .. سكن

صوتك حزين

مهو يستحيل إنى انكره

هتجيبلى غنيوة فرح

طب قول منين

غمض عنيك

واصرخ بأضعف قوتك

وقول كمان

حرك مشاعر غربتك

مع احتضان الناى ورفات الكمان

راح تلتقينى والتقيك

غنـــــواية من نفس الزمان

اترك رد

لن يتم نشر عنوان بريدك الإلكتروني.