جريدة النجم الوطني
alnigm.com/gif2.gif

صدق المعاني

0 100

بقلم/ وسام خاطر

أوقات بنقول ونسمع كلام كتير. فيه اللي بيمس القلب وفيه اللي بيعدي علينا وبيمر مرور الكرام. الفرق بين الآتنين أن واحد من جوه القلب والتاني من علي طرف اللسان. مش كل الكلام الحلو صدق وبرده مش كل الكلام المر حقيقة. الحقيقة أي وحد فيهم طالع من جوه القلب ممزوج بالمشاعر أي كان نوع المشاعر كره أو حب . الصدق بيتحس مش بيتسمع بدليل أن في ناس مش بتعرف تتكلم بس بنحسها وبنكون متأكدين من صدقهم وأنهم صادقين فعلاً بمعني الكلمة. وفي ناس مهما تتكلم تحس أنك بتسمع شخبطة مش عارف أولها من أخرها مش قادر تميز في أي اتجاه رايحة وكأنها متلخبطة . كفاية كلام معسول ومزوء. عيشوا لبعض بحب وصدق الوقت اللي عايشينه. أسعدوا بعض علي قد ماتقدروا. خلو الذكري دايماً حلوة كتيييييييييييييير. أفتكروا بعض بأحلي الذكريات. لونوا حياة بعض بأبهي الآلوان. أثروا فبعض وسيبوا أثر طيب . علشان ما تقدروش تبعدوا عن بعض. وحتي لو بعدتوا يكون بعد يليق بقرب حلو كان قبله . خلوا دايما في خيط موصول ببعض حتي لو كان الخيط ده عبارة عن أبتسامة أو مجرد نظرة صدق في موقف صعب أو لحظة خوف طالع من جوه جوه القلب. خليكم فاكرين أن المشي على الرملة مابتسمعش ليه صوت بس بيسب أثر وعلامة . وهو ده المطلوب أثباته أنكم تسيبوا أثر قوي وعلامات واضحة في حياة بعض. عيشوا علي أرض الواقع وشوفوا أيه المتاح فيها وأستغلوه وشكلوا منه أحلي الأيام. أياكم والسراب أوقات كتير بيكون سبب في دمار أهم ألأشياء. دوروا جواكم علي الصدق والمحبة والمهم تعرفوا مين اللي يستاهل الصدق والمحبة دي. في حاجات مش بيبقي ليها ثمن ولا ينفع تتثمن بس لو عرفتوا توصلولها هاتكونوا أسعد الناس. دوروا علي الأيد اللي تطبطب وقت الشدة وعلي الضهر اللي تتحاموه فيه حتي ولو كان أضعف منهم بس الأكيد أنه بيكون قوي بيكم ومعاكم. وعلي نظرة الرضا وكمان ضحكة طالعة من القلب من كتر فرحتها بوجودكم. لو لاقيتم حبة الحاجات دي هاترتاحوا كتير رغم بساطتها بس أوقات بتكون الدنيا ومافيها.

اترك رد

لن يتم نشر عنوان بريدك الإلكتروني.