شيخ الأزهر” للشاعر // سعيد حسان
شوفتو يا عالم شيخ الأهر
لسة ف كل الدنيا منور
من أيام م عرفناالجوهر
هو القائد هو الأكبر
لسة إمامنا بيعلمنا
ويفهمنا دور الأزهر
دور الأزهر ف التربية والتعليم
دور الأزهر نشر الدين ف العالم كله
كله بيعرف دوره عظيم
وان رسالته إن يوصل …
صوت الحق بدون تعتيم
وان المنهج أصله سليم
وإن العالم لازم يفهم ..
إن الدين الوسطي أساسه
مش متعصب أو متكبر
شوفتو يا عالم شيخ الأزهر
لسة ف كل الدنيا منور
شوفتو الشيخ الطيب لما اتكلم
ف الإعلام …
شوفتو الغيرة على الإسلام ..
كان من طيبته ..
كل الناس بتصور هيبته ..
إنه موظف عند الدولة
بيروح يمضي وياخد أجره ..
لاجل ينام ..
بعد سكوته زلزل كل العالم صوته
كان الكل مفكر ..هيقول أيوة ..
كله تمام .. شيخ الأزهر ..
لما إتعصب ..قال دا حرام …
إصحى يا نايم ..فوق ..هنقرر
شوفتو يا عالم شيخ الأزهر ..
لسة ف كل الدنيا منور
أنا مش هاسكت ..وراح اتكلم
باسم الدين….
لسة تراثنا أصله متين ..
لو حنسيبه ..
نصبح أمة من التايهين
التغيير دا من جوانا ..
لكن نفضل أصليين …
ياللي نسيتوا هنفكركم
لو ناسين ..
المماليك حكمونا سنين ….
لكن جالهم شيخ الأزهر عز الدين
غير حالهم ..سوا مابين المصريين
والأمراء ولا واحد منهم
يوم القلعة كان يتصور
شوفتو يا عالم شيخ الأزهر ..
لسة ف كل الدنيا منور
لو حاتكلم عن مشيخة الأزهر
مش هنقول أسرار …
وقت السلم بيبقوا منار
وقت الحرب تشوف ثوار أحرار
مين راح يخطب جوة كنيسة
لاجل الوحدة وحسن جوار…
مين خد إيد البابا ف إيده ..
جوة الأزهر ….
علشان يقهر لاستعمار…
مين بيخلي مصير الدولة ف إيده
فى أي قرار…
مشراح ننسى دور الأزهر …
لما اتشد..وصد تتار ..
واحنا عشمنا إن الدور …
وبإذن الله ..لازم يتكرر
شوفتو يا عالم شيخ الأزهر
لسة ف كل الدنيا منور
لما تلاقي الدنيا تضلم
من حواليك …
لما تلاقي القدس ..خلاص
بثخلص تحت عينيك ..
وإن ف لمحة عين أو صفقة
بين أعداءك أو أهاليك …
تصبخ ملك عدوك …
وانت الدنيا بتلعب بيك ..
تبقى ساعتها تشوف الأزهر
تلقى إمامه يرد عليك …
لازم يا فلسطين تتحرر
لازم يا فلسطين تتحرر
ميهموش لا شارون ولا كارتر
شوفتو يا عالم شيخ الأزهر
لسة ف كل الدنيا منور
