جريدة النجم الوطني

سمير صبري .. الصديق الوفي في زمان عَزَّ فيه الصديق

0 73

سمير صبري .. الصديق الوفي في زمان عَزَّ فيه الصديق

أغلب الفنانات والفنانين اللي توفوا، كانت أيامهم الأخيرة بل وسنين حياتهم الأخيرة كلها قضوها في صحبة سمير صبري

هند رستم لما استضافوها بعد سنين طويله قالت محدش كان بيسأل عليَّ الا سمير صبري بس

تحية كاريوكا قضت آخر فترات حياتها كلها وسمير صبري هو اللي بيأكلها بإيده ويشربها لحد ما ماتت علي كتف سمير !

سعاد حسني قبل ما تموت كانت بتقول محدش من مصر كان بيجيلي كل شويه مخصوص لندن الا سمير بس وكان بيجيلي مش عشان إبنه حسن الطبيب المقيم بلندن، لا كان بييجي لسعاد ويروح علي طول

حتي شاديه الفنانه المعتزلة من ٣٠ سنه محدش بيزورها ولا يسأل عنها الا هو بس وبصفه دايمه ومستمرة

في أى عزاء تلاقيه أول واحد وفي أى محنة لفنان تلاقيه أول واحد وفي أى واجب تلاقيه موجود، وهو أول واحد يتصل بالفنانين يعرفهم مين توفي او مين عيان ويشجعهم يعملوا الواجب !!

الصاحب الجدع اللي زي ده مش سهل تلاقيه مع غياب الصديق الوفي والمصلحة والأنا اللي أصبحت منتشره بين الناس

تتفق او تختلف مع سمير صبري، تقتنع بفنه او متقتنعش، تشوفه ممثل عظيم او محدود الموهبة، يبسطك لما تشوفه او تستتقل دمه !بس متقدرش غير انك تحترمه وتحترم علاقته بزمايله وصحابه وتتمني يكونلك صاحب جدع زي ده .الصاحب الجدع في الزمان ده رزق مين في الدنيا ميتمناش في حياته صاحب جدع نفس جدعنة سمير صبري مع صحابه ؟

اترك رد

لن يتم نشر عنوان بريدك الإلكتروني.