جريدة النجم الوطني
alnigm.com/gif2.gif

ست الكل ياست الكل

0 199

أحمد رشاد أغا
———————
ست الكل —ياست الكل
يااحلي شجره علينا تضل
غاليه علينا وضي عنينا
ياما طرحتي ورد وفل
ياست الكل
ساعه ماوصل عتبه بيتنا
القي الشوق والحب تالتنا
اسمع صوتك يدعي ياامي
يحميك يابني يانور فرحتنا
وقوام احضن ست الكل
———————-
ونا علي اول درجه سلم
المح طيفك اجري اسلم
وف احضانك قلبي اتعلم
حب الجار اول سكتنا
اغي نصيحه ياست الكل
———————
عودتينا -حب – اللمه
حبيبتينا الخال والعمه
شبعتينا حنانك – يامه
ياما مسحتي كتير دمعتنا
وكنت دوايا ياست الكل
———————
لما خيوط الفجر تنور
اجري عليكي يامه وادور
ارسم حلم الماضي واصور
واعزف لحنك ياغنوتنا
———————
وف يوم عيدك جي اهني
بالاشواق والفرحه حاغني
قولي ياامي قولي اتمني
يبقي الستر طريق دنيتنا
———————-
ساعه ماوصل عتبه بيتنا
القي الشوق والحب تالتنا
اسمع صوتك يدعي ياامي
يحميك يابني يانور فرحتنا
———————–
احمد رشاد اغا / 19 / 3 /2016

اترك رد

لن يتم نشر عنوان بريدك الإلكتروني.