جريدة النجم الوطني

- Advertisement -

- Advertisement -

رباعيات أنين الروح بقلم الشاعرة /آمال محمود

0 14

احصل على تحديثات في الوقت الفعلي مباشرة على جهازك ، اشترك الآن.

- Advertisement -

رباعيات أنين الروح بقلمي الشاعرة الفلسطينية /آمال محمود

عاوزه أقولك حجات كتير
…… منها اللي تاعبني و بيألمني

ليه بتمشي دايماً فجاة
….وبتغيب أيام وشهور يلا جاوبني

كنت فاكرة حلمي ابتدى يتحقق
……..يلي كنت روح قلبي بقيت تظلمني

دنتَ لوحدك كنتُ بالنسبالي حياة
……كان نفسي أحكيلك ع أحلامي والأماني

حجات كثير حصلت معايا
……حِسْ بيا يلي كنت بِتِتْنَفِس هوايا

كنا نحكي لبعض تفاصيل يومنا
…..ضحكنا همومنا يانجمة عالية بسمايا

كناأحباب وسبتني بلا أسباب
….حجات كتير تَعَبِتْ قَلبي وإتمنيتك معايا

حجات كثير اوي وجعاني
….بتألمني وبتزود ألمي و معاناتي

هقولك إيه بس يلي كنت
…….. في يوم روحي و كل حياتي

دة بُعدك عني وجفاك ليا
… بيزيد بقلبي الجروح ومعاها آهاتي

دلوقتِ بقيت بجد بتمنى
….أنسى معاك كل لحظة من ذكرياتي

صحيح كنت بيوم دوايا
…..ومن حبي ليك كنت بعيوني ملاك

إهمالك ليا خلق جوايا
…سؤال ليه دموع عنيا و لا لحظة بتنساك؟!

كنت فكراك حب عمري
….وبلسم جروحي و دوايا كان هواك!

ياه من قساوة الحب
…فجأة بيحول نهر الحنان لنار هلاك!

خسارة يا حلم حياتي
…يلي كانوا عيونك قمري وشمسي

موٌِت حبي ليك وحنيني
….و بقيت بتمنى أنسى يومي و أمسي

ياه منك بقا يا روحي
…خلاص عيشي حياتك وذكرياتك إنسي

آه كان بيوم منية نفسي
…كان و كانت روحه هوايا بوحدتي و أُنسي

- Advertisement -

كان نبض قلبي و وريدي
….بقا لما بيتكلم بيزيد جروحي وبتألمني!

ولما بسمع صوتك بحس
…بقلبه غريب وبعيد جدا جدا عني

كنت بضحك بوجوده
…وبتنزل دمعة في قلبي وبتجرحني

معدش ليه جوايا مكان
…الإ دموع عنيا بتنزل ع خدي وبتحرقني

ليه كان بيخبي عليا؟
…وكأني غريبةو مكنتش حبيبة ليه

ليه بقى بيروح ويرجع
…وقت ما ييجي على هواه و مزاجه

ولما أسأله فيه ايه مالك؟
.. بصمته بيجاوبني وبيقتلني بإهماله

انا معرفش حبيته ليه
…وازاي قلب حبيب يقسى على أحبابه

لحد كدة كفاية إمشي خلاص
……..يلي كنت بيوم عندي أعز الناس

وإنت يا قلبي ياسبب غلبي
………… كفاية ومَوِّت فيا الإحساس

مبتقشِ قادرة أتحمل أكثر
…قلب مفهوش وفاء و لا إخلاص

وإنتِ يا روحي يا حزينة
…… عيشي و حبي الخير لكل الناس

خلي أملك كبير ف بكرة
…وكفاية دموع يا عيوني من تاني

و مهما حصل ليا هفضل بركان
… طيبة وحنية غصب عنك يا زماني

حتى الحب بعيد أوي عني
…وقلبي بقاله كثير عايش بالأماني

الحب بجد عشق الروح
… ونبض قلبي سمعاه بيقول أغاني

عارفة بتقولوا عني إيه
…في الزمن دة بقت طيبة القلب عيبة

قولولي بس أعمل إيه
…دي فطرة ربنا خلقني بيها و سعيدة

و وهبني جمال الروح
… وطيبة القلب وحسن النية و الحنية

مش ضعف مني ولاسهولة
…إني أسامح اللي بيألمني بروحي الجميلة*

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.