جريدة النجم الوطني
alnigm.com/gif2.gif

راجع ليه..

0 177

بقلم / نهى بدويه

راجع تاني تقرب ليه
فاكر يعني قلبي دا ايه
مرسى ومينا تعدي عليه
بعد ما تبعد ترجع ليه
كنت زمان انا بترجاك
تفضل جنبي واكون صيناك
فاكر لما انا جيت وبكيت
واتمنيتك اهل وبيت
عشمتني بوعود وعهود
وحلفتلي حتكون موجود
تملا حياتي بالفرح تملي
نسهر طول الليل ونغني
ونجيب بدل الطفل اتنين
هيكون نبض كمان وحنين
واتغيرت مع الايام
كل وعودك ليا كلام
حلم جميل كان عمره قصير
بس فضلت عايش متحير
راجع تاني ليه وتقرب
قلبي خلاص م الجرح اهو جرب
بس اتعلم يفضل واعي
ولا يفتح تاني لاوجاعي

اترك رد

لن يتم نشر عنوان بريدك الإلكتروني.