جريدة النجم الوطني
alnigm.com/gif2.gif

“دولسي دي ليتشي” إعداد شيف / ميرفت سالم

0 269

“دولسي دي ليتشي” إعداد شيف / ميرفت سالم

دولسي دي ليتشي او حلوي الحليب المكثف او جيلي الحليب بالاسبانيه

والتي تشبه جدا في مذاقها طعم الكراميل ولكن بدون حرق السكر بل العكس بتعتمد علي تسخين الحليب لفتره طويله الذي بدوره يتكرمل ويتحول الي توفي كريمي المذاق
وفي مطبخ النجم سنعد هذه الحلوي التوفيه الناعمه بطريقه مختلفه وبشكل وطعم رائعين لا يقاوم

مكونات الطاجن :
رز بلبن
كريمه
اسبونج كيك
توفي
مكسرات

اولا مكونات الرز بلبن :
1/2 كيلو لبن
نص كوب رز مغسول و متصفي
معلقه كبيره نشا
٥ معالق كبار سكراو حسب الرغبه

“إضافات اختياريه” :
نص كوب كريمه
٢ معلقه كبيره قشطه
٢ معلقه كبيره كريم شانتيه
معلقة جوز هند مطحون
مكعب شوكولاته بيضا
فانيليا أو مستكه للنكهه

طريقه الرز بلبن :
في حله على النار هنحط الرز مع اللبن و نقلب لحد ما يغلي و بعدين نهدي النار خالص لحد ما الرز يستوي مع التقليب المستمر و بعدين نضيف السكر و ندوب النشا في معلقتين لبن بارد و نضيفه على الرز بلبن و نقلب لحد ما نوصل لقوام وسط مش تقيل و طبعا نقدر نضيف اي اضافات اختياريه كلها حاجات بضيف طعم رائع للرز بلبن .

ثانيا :مكونات الكريمه :
كوب كريمة خفق(في حاله عدم التوافر يمكن الاستغناء عنها )
ربع كوب كريم شانتيه خام

طريقة الكريمه :
هنضرب الكريمه مع الكريم شانتيه لحد ما تتقل بدون إضافة سكر و نستنى لما الرز بلبن يبرد و نفرد عليه الكريمه .

ثالثا:مكونات الكيك :
٢ بيضه
نص كوب سكر
كوب إلا ربع دقيق منخول وعليه ذره ملح
معلقه صغيره خل
معلقه صغيره بيكنج بودر
2معلقه كبيره زيت
فانيليا

طريقة الكيك :
هنضرب البيض و السكر و الفانيلياو الخل لحد ما يبقى كريمي و ننزل ب الزيت أثناء الضرب و نقلب الدقيق و البيكنج بودر و ننزلهم و نقلب لحد ما الدقيق يختفي .
هننزل الخليط في صنيه مقاس ٢٤ مدهونه بالسمنه و ندخلها فرن سخن على درجة حراره ١٨٠ من ١٠ ل ١٥ دقيقه و نختبرها و نطلعها من الفرن و نسيبها تبرد و بعدين نشيل الأطراف بالسكينه و نحط الكيك على الكريمه .

رابعا :مكونات التوفي :
كوب لبن بودره
كوب سكر بودره
معلقه كبيره زبده
نص كوب ميه مغليه

الطريقه :
هنضرب المكونات مع بعضها في الخلاط و نحطها في برطمان ازاز محكم الغلق و نحط البرطمان في حله فيها ميه على النار لمدة ٣ ساعات و هنلاحظ ان كل ساعه هنلاقي التوفي بياخد لون اغمق لحد ما نوصل للون حلو و نطفي عليه و نسيبه يبرد خالص و بعدين نفتح البرطمان و نقلب التوفي و نفرده على الكيك و نزين بصوص كراميل خفيف و رشه من المكسرات المجروشه

ملاحظات

حتي لا يتحرك البرطمان يمكن وضع فوطه قطن اسفله او اي قطعه قماش للتثبيت
كما يمكن انتاج التوفي عن طريق حمام الماء علي الغاز وايضا يراعي التحريك المتواصل
وكذلك يمكن استخدام الميكرويف بوضع المكونات فيه والتقليب المستمر ايضا للحصول علي القوام واللون المطلوب

و بألف هنا

اترك رد

لن يتم نشر عنوان بريدك الإلكتروني.