جريدة النجم الوطني
alnigm.com/gif2.gif

دعواتكم يازوار سيدنا الحسين

0 131

دعواتكم يازوار سيدنا الحسين

بقلم/ البدري زايد

ياكل اللي رايح لسيدنا الحسين
دعاكم عشاني وقولوا آمين
وطالب رضاكم يااهل السماح
وفاتحة تقولوها كمان مرتين

دى مرة عشاني وعشان الولاد
ومرة لحبايبي في كل البلاد
دي دعوة ف مقامه تساوي كنوز
ماتبخلش بيها عليا ياواد

وسبحة وطاقية وحبة بخور
ونفحة وهدية تجيب السرور
وعند الفيشاوي كمان افتكرني
وتدعي ان اجي حداهم وازور

وعبي جيوبك ببركة امامنا
وخلي الحبايب يطوفوا أمامنا
وفرق عليهم عيدان المحبة
ببركة نبينا وشيخنا وعمامنا

وصلي وسلم وشاور وقول
متين ألف نظرة ياسبط الرسول
دا جدك شفيعنا وبدر التمام
وتاهت في وصفه جميع العقول

أمانة عليكم ياسيدي تجيب
معاك الهدايا يااحلي حبيب
وباحمد إلهي علي نعمته
وإنك فاكرني يااجمل نصيب .

اترك رد

لن يتم نشر عنوان بريدك الإلكتروني.