لخالد الجمال
وريد الجهل
رفع الزينة طفي النور
يوم ما مشينا في ضلمة بكرة
خدنا عزانا
في جنازة العقل
سجنا طموح
واتصفي الفكر
………………………
طوب الحيطة كلم نفسه
نقط دم
علي أبواب مقفولة بقفل
ملوش مفتاح
إمتى ضمير الروح يرتاح . ؟
………………..
واللي يفكر
يبعت ضله
يلقى ضله
هارب منه
ممكن تزرع شجرة تضلك .؟..
……………………….
واللي يضلك
ماسك الفاس
وأنت معاه بتسن الحد
واللي يعاتبك
يبقى الضد
ما إحنا أخدنا عزانا بجد
يوم ما دبحنا بإيدنا العقل
…….