جريدة النجم الوطني
alnigm.com/gif2.gif

حنظله ووزراء الخارجية بقلم / محمد أحمد

0 194

حنظله ووزراء الخارجية

بقلم / محمد أحمد ..

ياحنظله ياحنظله ياحنظله

أيه فيه أيه يامصري ؟

تعالى إلحقني يابني

نعم قول مالك ؟

هو اللي أنا شفته في التليفزيون دا حقيقي ولا أنا بحلم ؟

شوفت أيه يامصري ؟

شفت ياخويا خير اللهم اجعله خير محمود عباس بيقول كلام ماصدقتش لما سمعته

آه إنت تقصد الإجتماع الطارئ لوزراء الخارجية العرب بجامعة الدول العربية

أيون، هو اللي إنت بتقول عليه دا، تصدق بالله أنا صدري إنشرح

الحقيقة لم يعد للنوافذ قدرة على انتظار أحد، فقد غلٌَقت صفعة القرن كل النوافذ

مش فاهم إنت بتقول أيه بس مش مهم
المهم إني سمعت كلام ماسمعتش زيه قبل كدا

يمكن !! بس على العموم يبدو أنهم جميعاً شعروا بخطورة الموقف وتبجح المدعو ترامب على كل الثوابت فراح يمارس بلطجته مستندا على ما نحن فيه من ضعف وتناحر

كلهم ياحنظله بيقولوا كلمة واحدة تقولش ربنا صفى اللي في قلوبهم فأصبحوا يد واحدة تقف مع فلسطين وتدعمه

عارف يامصري

عارف أيه

عارف لو الإجتماع دا كان على مستوى قادة الدول لصار الأمر أقوى وأكثر تأثيراً

متهيألي يعني يامصري حسب فِهمي إن وزراء الخارجية بيمثلوا الرأي الرسمي لكل دولة

طبعاً محدش يقدر ينكر دا لكن إنت مش ملاحظ إن بيانات وزراء الخارجية لكل دولة بتختلف تماماً عن البيانات التي صدرت من كل دولة بالأمس القريب

إزاي يعني ؟

يعني البيانات اليوم أقوى وأكثر وضوحا برفض صفقة القرن دون مواربة

مش فاهمك بس عارف ياوله

عارف أيه يامصري ؟

أنا أول مرة أسمع عباس بالشجاعة دي والصراحة دي
الراجل كان قدها وقدود الحقيقة

شوف يامصري هذه الصفقة المشبُوه وُلدت ميتة لكنها كانت تنبئ عن بلطجة ترامب وبجاحة نتيناهو وكان يجب الرد عليها بنفس المستوى ولهذا كشف عباس عن أشياء مكانها الجلسات المغلقة في جلسة علنية وكأنه يوجه رسالة للإدارة الأمريكية مفادها خطورة الوضع الذي تنتهجة الرئاسة والعجيب أنه كشف النقاب عن عدم رضا أجنحة كثيرة داخل الولايات المتحدة بما يفعله ترامب

صحيح ولو إني مش فاهم إنت بتقول أيه بس أنا فرحان وحاسس بشعور كدا مختلف، تفتكر ياحنظله إحنا ممكن نحارب إسرائيل تاني ؟

إحنا …. تقصد مين بالكلمة دي يامصري ؟

إحنا إحنا العرب يعني

العرب أعلنوا مرارا وتكرارا إنحيازهم للسلام كخيار إستراتيجي
وهذا السلام يحتاج إلى قوة تحميه وتجعل صوته مسموعا لنا ولمن نفاوضه

أيه ياعم إنت بتخطب في مجلس الشعب
بالراحه يابن عمي وقول كلام أقدر أفهمه

أنا أقصد

مش مهم تقصد أيه !!!
والنبي ياحنظله خليني فرحان بإحساسي دا حتى وأنا مش فاهم حاجة

يارااااااااااااجل

اترك رد

لن يتم نشر عنوان بريدك الإلكتروني.