جريدة النجم الوطني

- Advertisement -

- Advertisement -

حنظله ولحظة الخوف بقلم / محمد أحمد محمود

0 15

احصل على تحديثات في الوقت الفعلي مباشرة على جهازك ، اشترك الآن.

- Advertisement -

حنظله ولحظة الخوف بقلم / محمد أحمد محمود

ياحنظله ياحنظله ياحنظله

تعالى يامصري، أنا هنا

صباح الخير ياحنظله

صباح الفل يامصري، فينك ياراجل

موجود ياحنظله، بس أنت عارف من ساعة ماروحت الدوار الجديد واحنا مشغولين شوية، سامحني ع التقصير ياوله

تقصير أيه بس يامصري، كل مافي الأمر إنك بتوحشني وببقى عايز أطمن عليك وع المدام

ربما يكرمك ياحنظله، عندك حقا لازم اليومين دول نسأل كلتنا على بعض ونطمئن على بعض ونقف جنب بعض لحد ما الغُمه دي تنزاح

صحيح يامصري قولي بقى عامل أيه ؟

الحمد لله، بس كنت عايز أفضفض معاك شويه ياحنظله وخايف

خايف من أين ؟ قول يامصري خير

أبوك العمدة بقى على طول زعلان مني، ومابقيتش عارف أفهمه

واحدة واحدة كدا عليٌَ وفهمني أيه الموضوع

من كام يوم قابلت أبوك العمدة وبقوله ياعمدة الوحدة الصحية بتاعتنا عايزا شغل كتير قوي خصوصاً واحنا في ظروف الكورونا دي

كويس وبعدين

وبعدين لقيته شخط فيٌَا وقالي: الوحدة زي الفل يامصري وتمام التمام، أنت بس اللي عنيك مش بتشوف أي حاجة حلوة

- Advertisement -

لاحول ولا قوة إلاٌَ بالله العلي العظيم وبعدين يامصري

وبعدين علشان أخليه يصدق روحت أنا الوحدة الصحية وقعدت أصور هناك علشان أخليه يشوف الصور ويصدق إنها عايزا شغل كتير ومحتاجة إهتمام أكثر من كدا

جميل وخليته يشوف اللي صورتوا

أيوة ياحنظله وياريتني ماعملت كدا

ليه بس

روحتله الدوار وكان معاه ناس ياما، قعدت فقالي: خير يامصري!!

قولتله أنا صورتلك الوحدة الصحية علشان تعاقب كل واحد مش بيقوم بشغله فيها وتشوف أيه اللي ناقص ونحاول نكلف أغنياء البلد يقوموا بيه ويشتروه

والله عداك العيب يامصري، أهو دا الكلام الصح

صح ايه ونيلة أيه، العمدة أول ماشاف اللي صورته إتنفض من مكانه ونادى ع الغفر وقالهم امسكوا الراجل دا !!

قولتله أنا ياعمدة

قال أيوة انت، أنت عايز تخرب البلد، وتولعها حريقة، اتقوا الله في الكَفر عيب.

والناس ياخويا اللي قاعدين معاه قعدوا يقولوا كلام غريب، إشي اللي يقول خلايا نايمة، واللي يقول دا من أعداء النجاح، وواحد منهم قالي إنت مش شايف اللي بيعمله العمدة للكَفر، الراجل مش بينما لا ليل ولا نهار ياظلمه

معقولة الكلام دا يامصري

وأيمانات المسلمين دا اللي حصل، وقعدت أستسمح فيه وأقوله، توبه ياعمدة، حرمت ياعمدة، والله بعد كدا مش هصور غير الحاجات الحلوة، وهو مُصر أقوله مين اللي خلاني أعمل، ومُصر إنها مؤامرة

وبعدين عملت أيه

أبدًا قولتله أنا سمعت من حنظله مرة، وماكملتش الجملة إلاٌَ ولقيته بيقولي حنظله، هو دا اُس الفساد كله، والله ماهَسِيبه

ياااااااراااااااجل

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.