جريدة النجم الوطني

- Advertisement -

- Advertisement -

حنظله وحلم المصري بقلم / محمد أحمد محمود

0 6

احصل على تحديثات في الوقت الفعلي مباشرة على جهازك ، اشترك الآن.

- Advertisement -

حنظله وحلم المصري بقلم / محمد أحمد محمود

ياحنظله ياحنظله ياحنظله

تعالى يامصري، أنا هنا

صباح الخير ياحنظله

صباح الفل يامصري، قايم بدري يعني، خير ؟

خير إن شاء الله، والله مانمت طول الليل، دماغي مش بتبطٌَل تفكير، الليل يجي من هنا وأحط دماغي اسم الله على مقامك فوق المخده وألاقي عيني مِبَحلَقه في السقف وهات ياتفكير، بقينا بنتحايل ع النوم

كلنا بقينا كدا يامصري، هدوء الليل أرض خصبه لاستعراض كل مُجريات الأمور ومحاولة تقيٌمها للوقوف على الخطأ منها والصحيح

على قولك ياوله، الليل سِتير بنستخبى فيه وبيه، الموشكِل إن البني آدم منا بيفضل يفكر ويعاتب في نفسه ويجلدها بميت بُلغه قديمة، وفي الآخر لا بيحل حاجة ولا بيطلع بحاجة، بس سهر ع الفاضي وتقليب للمواجع

- Advertisement -

مين قال كدا بس، بيتهيألك يامصري، الواحد مننا لما بيقعد مع نفسه بهدوء كدا ومن غير عِند بيقدر ساعات يحُط إيده على أصل المشكلة وزي مابيقوله تِبات نار تصبح رماد

يمكن ياوله، بس تصدق؛ أنا ساعات لما بقعد مع نفسي ويمر سوخام الذكريات دا مِن قُدامي بلاقي عيني رغرغت بالدموع واقول لنفسي لحد امتى هتفضل تحلم بالستر يامصري، وكإننا ياخويا بنحلم بشئ مُحال

شوف يامصري، كل شمس جديدة بتطلع علينا، أمل جديد وفرصة جديدة بيعطيها لنا المولى لتصحيح مافات

سقف الأحلام عَمَال يقل ويقل لما بقينا بنفرح بأي حاجةياحنظله، طب تصدق أنا كل اللي بقيت بحلم بيه هو شقه كانت عندي في يوم من الأيام واهي راحت، بقينا بنحلم باللي كان مش مِكَفِينا

خلي بالك يامصري اللي بتتكلم عليه دا حقك مش حلمك، أكتر شئ مؤلم في الدنيا أن حقوق الإنسان تتحول بقدرة ظالم لأحلام يتمنى تحقيقها

أحلام ولا حقوق المهم نلاقيها ياوله

بلاش تحلم يامصري بالقليل علشان هيفضل يصغر يصغر لحد ما يبقى حق، خلي أحلامك كبيرة ساعتها هتحس بمعنى الانتماء وانت بتحقق حلمك

بمناسبة الانتماء بقى؛ تفتكر لو انا تمنيت أن الزمالك يكسب الأهلي هيسيبني العمدة أحلم بالحلم دا كمان ولا برضك هيفضل ورايا لحد ما يبقى الحلم كابوس

ياااااااراااااااجل

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.