جريدة النجم الوطني
alnigm.com/gif2.gif

“حنظلة الشرير” بقلم / محمد أحمد

0 188

حنظلة الشرير

بقلم / محمد أحمد

سألت حنظله عن رأيه في اللي بيحصل بين إيران وأمريكا

قال :
إشتري دماغك ياراجل

ليه بس ياحنظله

ياراجل دول إتنين بيخدموا بعض وبيخدٌموا على بعض

إزاي دا

عمرك سمعت قبل كدا عن دولة تقول للدولة اللي ناويه تضربها
خدي بالك أنا هضرب بعد تلات ساعات

ياراجل دا إنت لو ضربتهم بشوية طوب هتلاقي الدم للركب
١٢ صاروخ كل صاروخ بالشئ الفلاني والخسائر شوية ترابيزات إتكسروا وتليفزيون إتحرق فيه أي سي وبيقولك باب الثلاجة اللي كانت في
القاعدة العسكرية إتكسر

يعني قصدك إنهم متفقين

طبعا متفقين

بس ياحنظله دا تم تصفية رجل بحجم سليمان لإيران

ياعم إن جالك الطوفان حط ولدك تحت رجليك

يانهار إسوس
يعني كمان قتل الراجل كان بالإتفاق بين الإتنين

أنا ماقلتش حاجة

وسعت منك دي شوية ياحنظله
وهيستفيدوا من كدا أيه ياشرير ؟

فكر كدا وان عرفت إبقى قولي راحت فين الثورة العراقية واللبنانية ؟!

اترك رد

لن يتم نشر عنوان بريدك الإلكتروني.