للشاعر /علي حمدان
1- مرايتي
ولما بأطل في مرايتي
باشوف الشعر متجعد
واشوف الرسم فوق خدي
سنين فايته
وراها سنين
ابات وحدي
على دمعي
والم الهم
في ملايتي
وأتغطى
**** ****
2- واحد تاني
وناديت الوتر يعزف
مجاش اللحن بياتي
وسابني لوحدي في همي
وسبني ف كل اهاتي
أنادي اللحن مايسمع
أعود وارجع
إلى ذاتي
**** ****
3- إلى حبشي
زاعق على
ريح الامل
ترتاح معاه
واللي نفسه
في الحقيقه
عمره يوم
ما مايقولشي
اااه
وانت دايب
في الحروف
بتحب موت
انك ياحبشي
تحترف
عشق الحياه
