جريدة النجم الوطني
alnigm.com/gif2.gif

بعتلي سلام الشاعر الساخر محمد نزاهه

0 52

بعتلي سلام

الشاعر الساخر محمد نزاهه

بعتلي سلام الشاعر الساخر محمد نزاهه

بعتلي سلام

كنت ضِلي
لأ وتَملي
كنت بتجري جوه دمي
كنت همي
كنت أشكيلك
لو تفاصيل جوايا أحكيلك
لو باللملي .. مكنت ضلي

رمتني ليه
وبعدت عني
عنك كمان منعتني
هجرتني
وقلت يومها غصب عني

والحقيقه خدعتني
رغم إنك
كنت عارف مين فاضلي

ليه رضيت الجرح ليا
كنت بستحمل آلامك
دا اللي دوقته م الدنيا ديا
مش شويه وكان عشانك
كنت بحلم لو تمِللي

بعتني من غير سبب
وسكت .. صح
كفايه أمشي
وقلبي منك يكون مجروح
كفايه روحي
كمان بتروح
كفايه .. كفايه ..
كفايه عتب
مش مهم إيه السبب
المهم البنج كُللي

والنهارده جاي تقولي !!!

إبعتلي سلام

لو بعت
أو كتبت

إيه حكايتي
يبقي بكتبلك نهايتي
ياللي كنت في يوم مرايتي
والقلب بَعدك لأ في بُعدك
النبض فيه من غير نظام
طب أعمل إيه ؟
أبعت سلام !!!!
لو مكاني
يا ريت تقولي ..
( لو مكاني يا ريت تقولي )..

اترك رد

لن يتم نشر عنوان بريدك الإلكتروني.