بدأ حياته فقيرا يجتهد لتوفير لقمه العيش عندما قرر الزواج- الراحل: علي الشريف

بقلم/عبده عبد الله

إختار المرأه المناسبه له وكانت اسمها “خضره “وكانت تفتقدالأهل والاقارب مثلهوتقدم لها وأول كلمه نطق بها عندما رآها ” أنا مليش حد في الدنيا دي وأنتِ كمان ملكيش حد فيها إما نكون سند لبعض في الدنيا دي يا إما كل واحد يتعكز علي نفسه ويواجه الدنيا لوحدة ”

– لما بقي فنان مشهور ومرتاح ماديا خافت ليتجوز عليها وبدات تهتم بيه بشكل اكبر لما خد باله من فرق المعامله ضحك وقالها ” أنتِ خايفه اتجوز عليكي عشان أنا ممكن اقابل ستات أجمل منك أنا عمري ما أنسي الست الاصيلة اللي فضلت سندي في الوقت اللي كنت لا أملك معي أي نقود ولا املك حاجه ولا لاقي أكل ” .

– في يوم وفاته كان في بروفه مسرحية ولما تعب جامد رفض يروح للدكتور وقالهم ” ودوني عند خضره عايز اموت وأنا مطمن ” ..

ولما وصل البيت جمع ولاده وقالهم ” أمكم دي اجمل وافضل ست في الدنيا بالله عليكم خلي بالكم منها واوعوا تزعلوها ابدا بعد ما موت ” وبكي

قبل ما يموت قالها ” متصرخيش عليا بعد ما أموت وخدي بالك من العيال ولو عايزة تتجوزي بعدي اتجوزي أنا راضي والله يا خضرة ”
وردد الشهادتين تلات مرات ورحل.

علي الشريف وخضرة ابسط قصة حب ممكن تقرا تفاصيلها وانضج قصه حب

الخلاصة : الراجل الحنين الوفي أبن الأصول رزق،والست الاصيله رزق ،، متتغيروش ع اللي رضي بيكم ف ضعفكم وترموه لما تبقوا اقوياء ومعاكم فلوس ، الفلوس مش سند .. الحب والود هو السند الحقيقى