جريدة النجم الوطني
alnigm.com/gif2.gif

المراهقة ٢

0 38

المراهقة ٢

كتب / إميل لبيب

فى لقاء مع مراهق عمره ١٥ سنة

  • ايه الكلمه اللى بتفرح لما حد يقولهالك؟
  • كلمه زى ايه؟
  • كلمه حلوه، تشجعك، تحفزك
  • مافيش
  • مافيش !!!
  • اه مافيش
  • ولما تعمل حاجة كويسه والديك بيعملوا ايه؟
  • بابا بيبص ويسكت
  • يسكت… وبعد مايسكت؟
  • بيسكت بس.. عمره ما قال حاجة
  • وماما؟
  • اه بتقولى كويس
  • يعنى بتقول؟
  • بس كأنها مش بتقول
  • والذكريات الحلوة اللى فى حياتك.. ايه هى؟
  • انا اصلاً مش فاكر حاجة لغايه سنة سادسه.. قبل كده مش فاكر
  • ولا حاجة؟
  • فاكر بس عمليه اللوز.. اصل تعبت فيها.. وجبت ملحق فى سنة من السنين.. ومش فاكر أى سنة

اللى فات جزء من حوار حصل بالفعل مع أحد المراهقين المتميزين جداً الولد عنده مهارات وقدرات تصنفه ضمن الموهوبين، لكنه للأسف فاقد للثقه فى نفسه ولا يشعر بامكانياته ولديه شعور بعدم القيمه.

الذكريات المنسيه من حياته أثناء طفولته ذكرها إريك بيرن فى كتابه ” العاب يلعبها الناس ” فى الجانب الابوى من الشخصية تحت مسمى silent parent
الصمت الابوى، فلا يسجل المخ أى ذكريات تخص الأبوين بسبب:

  • غياب الوالدين وعدم تأثيرهم الايجابى
  • إساءتهم للطفل، فيفصل الطفل نفسه عنهم نفسياً ولا يسجل فى ذكرياته أى شئ ايجابى لهم، ويكبت فى اللاوعى كل ماهو مؤلم حتى لا ينهار بسبب ان الايذاء يأتى من من هم مفترض فيهم رعايته وتقديم الحب والاهتمام

سلوك المراهق هو محصله لفترة الطفولة لذا اعود لنفس المقوله التى ختمت بها مقالى السابق عن المراهقه:

ما غرسناه فى حياة الطفل نجنيه فى الكبر

اترك رد

لن يتم نشر عنوان بريدك الإلكتروني.