جريدة النجم الوطني
alnigm.com/gif2.gif

الكبير كبير ..درس فن الكتابة بالعامية المصرية

0 46

الكبير كبير ..درس فن الكتابة بالعامية المصرية

بقلم / محمد الزيدي

ورقة وقلم ومرايا وخلوا بالكم معايا، يلا بقى سمع هس”.

خليك كبير في زعلك ، فوَّت لو تعرف ، عاتب لو تقدر ، إنما لازم تلتمس العذر و تخَّلي أخلاقك تغلب الموقف .. بعد كده حط حدود لو تحب و إبعد لو لازم ، إنما أوعي تتخانق و تغضب و تخاصم و تخسر أي حد !!

خليك كبير في كرمك.. إعزم اكتر ما تتعزم و إدي دايما أكتر ما تاخد .. خليك كريم لما تسيب باقي وأنت بتحاسب حد .. كام جنيه مش ح يفرقوا معاك لكن يفرقوا مع حد محتاج و الغلابة كتير اوي ..

خليك كبير في عطائك.. أي عمل إدي فيه زيادة ؛ لو بتتعامل مع حد في الشغل إدي له أكتر شوية من الخدمة اللي محتاجها: شوية ذوق علي ابتسامة علي مبادرة علي مساعدة علي تبسيط اي خطوة ..كفاية يطلع مبسوط و يدعي لك ، و دي بالدنيا ..

خليك كبير في كلامك.. ما تجيبش سيرة حد إلا بالخير ، ما تجرحش حد ، ما تسخرش من عيب عنده، ما تتنمرش عليه لا قدام الناس و لا لوحده .. لو حسيت إن كلمة هزار ما عجبتوش ، إعتذر و ما تقولهاش تاني ، و لو حسيت إنه حساس .. لاطفه و أجبر خاطره .. دي حاجة غالية قوي عند الناس ..

خليك كبير في شغلك.. اقرأ و إتعب و خليك أمين و كفء و حبب الناس في اللي بيطلبوه أو محتاجينه، تخفف عنهم دنيتهم و تحببهم في ربنا و فيك.. ريحهم و سهَّل دنيتهم و دى احلي خدمة ..

خليك كبير في مواقفك.. جامل الناس في حزنهم و في فرحتهم، أسأل عليهم ، اخدمهم كل ما تقدر ، خليك جنبهم، رد عليهم علي قد ما تقدر و سلم عليهم و رحب بيهم، و خللي بيتك و شغلك مفتوح للكل ..

الكبير كبير مش بسنهُ و لا بفلوسه ولا بلبسه و لا بمنصبه ولا بشغل الرسم والمظهره الكدابه علي خلق الله ، لكن الكبير كبير بأخلاقه و أدبه و مواقفه، و ده عند ربنا قمة التدين و العبادة .

اترك رد

لن يتم نشر عنوان بريدك الإلكتروني.