جريدة النجم الوطني

العلاقات السيئة

0 25

العلاقات السيئة

إعداد هبه سلطان

هي اللي بتنتهي بإهانة وقلّة احترام وضياع مقام وقلّة قيمة اللي في آخرها بيتحول فيها شوية الود اللي كانوا باقيين بينهم لمعارك لفظية مشينة ومهينة وجارحة للطرفين

وانت على مشارف قطع علاقة وخلاص واخد قرارك وماشي سيب شوية احترام باقيين .مش لازم تسيب ودّ ولا بواقي معزَّة لكن سيب شوية تهذيب بينك وبين ماضيك اخرج بشياكة وبروح أنيقة تندّم أي حد على خسارتك

خليك محترم واثبت إنك متربي فعلاً وانت بتفارق حد حتى لو ما يستاهلش الاحترام ده في الأول وفي الآخر انت بتحترم نفسك
انهوا علاقتكم بآدمية ، وبجدعنة ،وشهامة ، وفضل
ارتقوا وانتوا بتاخدوا قرار بالبُعد سيب لك شوية ذكريات حلوة نضيفة عند أي حد مهما كان مين
شوية الذكريات اللي هتخليه كل ما هتلف الأيام وتدور هيفتكر قد ايه انت حد كان لازم يتقدّر اكتر من كده وقد ايه انت كنت مثال جميل لحسن الأدب وللذوق
وانت خارج من أي علاقة كانت روحك فيها وبتقول لنفسك مش هتتعوض

خليك انت انسان ما يتعوضش

اترك رد

لن يتم نشر عنوان بريدك الإلكتروني.