جريدة النجم الوطني

الزوجة الثانية…بقلم/ طارق السيد

0 30

احصل على تحديثات في الوقت الفعلي مباشرة على جهازك ، اشترك الآن.

الزوجة الثانية…بقلم/ طارق السيد


هحكيلوا حكاية مقندلة
عن عمدة حرامي وبالبلا
ومراته حفيظة المنبوذة
وفاطمة وجوزها أبو العلا
…………………………..
العمدة من خرم الحيطة
شاف فاطمة وقال أتجوزها
قالوا دي فى عصمة راجل
قال هتكفل أنا بجوزها
……………………………
دبرلُه مصيبة تلمُه
بخ فى ودنه بسمُه
قالُه تطلق قدامي
ياتخش السجن حرامي
……………………………
سمعت فاطمة الأراجوز
حلفت مايكون لها جوز
غير جوزها أبو العلا
……………………………
وحفيظة مرات العمدة
دايما مع فاطمة معانده
وفاطمة كمان كيادة
بتكيد فى حفيظة بذيادة
تطبخ للعمدة فى وز
وحمام بفريك أو رز
تحشرلُه فى زورو الوزة
وتقولّه ياعمدة إتغذى
والعمدة يعبي فى كرشُه
م التخمة ينام على فرشهُ

وفاطمة تاخد قناصتها
والكبدة وجوز جناحتها
والرقبة وطبق الفتة
لولادها وابو العلا
…………………………
ياترى خلصت حكايتنا
لأ … لسه التكملة
لما قالتله ياعمده
أنا حامل فى الولا
قالها ودا جالي منين
مالمستك يوم ولا
قالت من شرع الله
من جوزي أبو العلا
……………………………
العمدة فى لحظه إتشل
من طعم مرار الذل
والناس جايه تهنيه
وبجهل تبارك ليه
وهو فى سره يقول
دا مش إبني
تباركولي ليه
…………………………..

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.