جريدة النجم الوطني
alnigm.com/gif2.gif

الزم حدودك.. بقلم/عبدالله رجب ابوعدنان

0 58

الزم حدودك.. بقلم/عبدالله رجب ابوعدنان

كل إبن آدم خطاء

وانا أول الخطاءين

هوا وشمس ماء

وللنعم الكتيرة جاحدين

بص و أتأمل للسماء

ولساك يا عبد حزين

الزم حدودك مع ربك

ف كل وقت معاك وبيحبك

أحن عليك من أبوك وأمك

حتى النفس و الأكسجين

مانيش ولي م الأوليا

و الخطأ حاجة عاديه

شوف ابتلاءت الانبيا

تلاقي نفسك مسكين

على طول شكوى وضجر

وبنعم ربنا بتكفر

لو تعرف جزاء الصبر

والخير ف الرضا بالقدر

لو كان حلو أو مر

احمد ربك تكون م المكرمين

كام مره عصيت

وعن التوبه اتغاضيت

وليه ف الدنيا جيت

وحق العبادة هل وفيت

وهل فيه أحلا م الصلا ع الزين

حاسب نفسك كل ليله

ضمه القبر صعيبه

دود وسواد وحريقه

خليك مع نفسك أمين

ف كل ثانيه بتشوف ميت

أهو راح اللي كان متصيت

ف القبر لوحد مبيت

يدوب كفن متخيط

والرجاء رحمة رب العالمين

الزم حدودك…

اترك رد

لن يتم نشر عنوان بريدك الإلكتروني.