جريدة النجم الوطني
alnigm.com/gif2.gif

الحرامي

0 200

بقلم / محمود بيومي..

حرامي داخل صفحتي
علشان يغش ويستفيد
فيروح ويسرق كلمتي
ويقول أنا الواد الشديد

إياك يا شاطر تفتكر
إن العيون متغمضة
دنتا اللي زيك ينتحر
أو ننفضه بالمنفضة

هاتعيش ضعيف وتموت ضعيف
ولا عمر فعلك يتنصف
اصلك كما القط الأليف
لو شدوا ديله بيرتجف

ألفاظ بتاعتي يا ولد
والفكرة مني أصلها
و حروف كتير مالهاش عدد
على صفحتك أنا شفتها

مرة بتنصب ملحمة
و مرة تتغزّل غلط
حواليك نفاق على رمرمة
بس الجميع عارفك عبط

سكوتي عنك مكرمة
سايبك بكيفي يا قمر
بس ان مشيت في التجرمة
راح تنفضح وسط البشر

انا عارف إنك حد سيس
لابس فوشك مطيبة
ووراها ألف قناع خبيث
وغاوي قعدة مصطبة

السجن جايلك والوجع
هتحس بيه وهيألمك
واللي وراك ومسخنك
هو اللي بكرا يسلّمك

ليلتك سواد يا أصمعي
هتشوف ليالي منيلة
دَنا هفرمك بإصبعي
وتشيل بلاوي متلتلة

خدها نصيحة يا غبي
بلاش حروفي وبصمتي
ماتجيش وتسرق مذهبي
و أبعد بعيد عن سكتي..

 

 

 

اترك رد

لن يتم نشر عنوان بريدك الإلكتروني.