جريدة النجم الوطني
alnigm.com/gif2.gif

” البسبوسة” بقلم ميرفت سالم

0 259

البسبوسه

بقلم ميرفت سالم

البسبوسه من الحلويات الشرقيه اللذيذه جدا وبنعشقها كبار وصغيرين ومفيش عزومه تحلي منغيرها مع كوبايه الشاي بالنعناع ياسلااام مزاج عالي
تعالوا نشوف المقادير والطريقه وكمان التكات المهمه لنجاح البسبوسه

تكات البسبوسه :
علشان البسبوسه تطلع مرمله وجميله مش ناشفه
متتقلبش المكونات كتير
علشان متعملش عرق زي العجين العادي
بمجرد ما تتمزج مع بعض نوقف تقليب
**البسبوسه والشربات تؤام
بمجرد ما نخرجها من الفرن وهي سخنه نسقيها شربات برضو سخن ونغطيها لغايه اما تشرب الشربات كله

مقادير البسبوسه :

3كوب دقيق بسبوسه
1 1/2كوب سكر
1/2كوب جوز هند
1كوب زبده سايح ونايح
2معلقه كبيره عسل جلوكوز
(وبديل عنه عسل نحل او عسل شربات تقيل )
1كوب لبن دافي
1معلقه كبيره بيكنج بودر
ذره ملح
مكسرات للتزين اي نوع تحبيه

لعمل الشربات :

1 1/2كوب سكر علي
1 1/2 كوب ميه وعصير نصف ليمونه
يخلط الجميع علي النار حتي يذوب السكر في الماء جيدا
يضاف عصير الليمون و
يغلي لمده 5 دقاق فقط ونطفي النار ويصبح جاهز للبسبوسه

الطريقه :

في بوله هنحط دقيق البسوسه مع البيكنج بودر مع ذره الملح والسكر وجوز الهند
وفي وعاء علي النار هاديه جدا هنقلب اللبن مع عسل الجلوكوز مع السمنه لغايه ما يمتزج كل الخليط ويدوب عسل الجلوكوز تماما
وبعدين نضيف السوائل دي
علي المكونات الجافه ونقلبها بخفه لغايه ما يمتص الدقيق السوائل ويصبح زي رمل البحر الرطب
هنجيب صينيه مدهونه زبده او سمنه ونفرد فيها البسبوسه بخفه
ونزينها بالمكسرات ونضغط عليها بخفه للتثبيت
وندخلهاالفرن علي حراره 180 في الرف الوسطاني
لمده 1/3 ساعه واول ما تخرج
نسقيها الشربات
وبالف هنا

اترك رد

لن يتم نشر عنوان بريدك الإلكتروني.