جريدة النجم الوطني
alnigm.com/gif2.gif

الارز المعمر بالفراخ

0 156

شف / سامح صدقي

المكونات:
2 كوب رز مغسول ومنقوع – كوب ونصف لبن – 2 كوب ونصف شوربة – فراخ أو سمان أو لحمة مسلوقة – بصلة مفرومة – قشطة بدون ملح “لو بملح مش هنضيف ملح للرز” – ملح وفلفل وورق لورا حبهان زعتر –

 
بسم الله .. نزل فى الطاسة شوية زيت ومعلقة سمنه

نشوح الفراخ على نار عالية وننزل بورق اللورا والحبهان

نتبلها بالملح الفلفل وممكن شوية زعتر وبعد كدا نقلبها لحد اما تتحمر شوية

نحط الرز المنقوع والمصفى فى بولة ونزل عليهم بالبصل

بعد كدا البهارات والملح لو القشطة مش مالحة – لو مالحة متلومنيش  – وطبعا هننزل بالقشطة

ننزل فيها بادينا كدا ونخلط كل الحاجات دى خلطة حلوة – هاننزل فى البرام الفخار او البايركس بنصف الرز

 

وبعد كدا نزل والشوربة واللبن ونقلبهم – طبعا بنصف الكمية

ننزل بقطع الفراخ دى بعد ما تحمرت وننزل حواليها بباقى الارز

ننزل بباقى اللبن – فى المعمر كل كوب رز قدامه كوبين سائل شوربه ولبن

ننزل بقى بقطع القشطة الجميلة دى على الوش عشان يدينا الوش الرهيب  – وندخله الفرن ونتبعه لحد ما يستوى وفى الاخر نديله وش بالشواية

 

اترك رد

لن يتم نشر عنوان بريدك الإلكتروني.