جريدة النجم الوطني
alnigm.com/gif2.gif

” الأنا ” بقلم /عبدالله رجب ابوعدنان

0 41

” الأنا ”

بقلم / عبدالله رجب ابوعدنان

بصيت على نفسي لقيتني مش انا

حاولت امشي واكسر الأنا

شدتني مرايتي وجوايا دندنة

حتى شكلي متغير

حطيت اديا ع الوجع

اتاري الجرح لسة مسمع

لا منظرة ولا وجاهة ولا دلع

وكنت فاكر نفسي بهزر

كسرت مرايتي ف لحظة طيش

طار الدم من النخاشيش

ع اللي خانو الملح و العيش

وم الهم جسمي متخدر

وانا اللي حبيت اجلد ذاتي

لكن الوجع حتى ف سكاتي

وما قدامي إلا دعواتي وصلاتي

واتغلب ع الأنا واصبر

يا نفس لية خدعتيني

وناس كنت شايلهم ف نن عيني

دايخ وزماني م المر ساقيني

ولا مرة بيعذر

دول كانو يتمنو يشوفوني

ولما وقعت ف لحظة باعوني

ظلمت نفسي ولا ظلموني

ولكل خاين يا صاحبي تشكر

ياما وقعت كتير

لكن بقوم أقوى بكتير

جوايا حب وخير

وعمري ف يوم ما بتكبر

اترك رد

لن يتم نشر عنوان بريدك الإلكتروني.