الأمل بقلم/حنان حلمي
الأمل فينا دايما موجود
مع كل نهار جديد مولود
مع كل بسمة بتنَّور الخدود
هتلاقي في أمل ممدود
مع كل كلمة حب تملي الوجود
أتمسك دايما بالأمل
وعدي بيه كل الحدود
الليل مهما طال ظلامه
النهار لابد له من طلوع
قدرك ومصيرك في
يد رب رحيم ودود
يبقي نفوت القلق
والخوف من كل الأمور
الحياة من غير أمل أو
بصيص نور تبقي موت
ربنا خلق لينا وسط الظلمة نور
بينور للضرير سكته مع أنه
محروم من نور العيون
لو صادفك الفشل حاول
تقف من تاني خليك صبور
وأسعي واجتهد والنتيجة
دايما بيد حلال الأمور
لابد تتمسك بالأمل
والأمل فينا يتولد ويسود
الأمل فينا دايما موجود