الاخلاق مالهاش ف الدين
بقلم / محمود بيومي
لا تقول مسلم ولا مسيحي
الأخلاق مالهاش في الدين
أصل النخوه يا أهل النخوة
طبع فكل المصريين
مينا سمير كان شاب وماشي
شاف بلطجي بيهاجم بنت
راح متدخل ومفكرشي
قاله لا عشت كمان ولا كنت
بنت بتصرخ طالبة النجدة
مينا أنقذها ودافع عنها
زي الأسد الكاسر لبّى
نجا البنت بروحه وصانها
البلطجي مسكتش وضربه
مينا سمير دافع علطول
لكن خد سكينه فقلبه
والبلطجي خلاه مقتول
مينا سمير كان شاب مسيحي
أما البنت فلابسة حجاب
وفأسوان كانت حكايتهم
ولا دين واحد ولا اصحاب
لكن بينهم رابط تاني
رابط اسمه النيل والأرض
مصري اتربى شريف بيدافع
بالاخلاق ويصون العرض
تربيتنا كنيسة وجامع
نفس الروح قرآن إنجيل
قرية مدينة وحارة وشارع
جوا بيوتنا وجيل ورا جيل
من قلبنا راح ندعي لمينا
اجمل دعوة تكون علشانه
ويا الشهدا وويا نبينا
في الجنات العالية مكانه
