جريدة النجم الوطني
alnigm.com/gif2.gif

اشكي يا قلمي

0 130

كتب عبد السلام عبد النبي

قول لي يا قلمي
كمان من فضلك
قول اشكي لي
كل همومك
انطق اصرخ
اقتل صمتك
يالا احكي لي
وانا راح اصونك
ليه الصمت
مكتف ايدك
احكي وفضفض
ده اليوم عيدك
رد القلم وقال
لو تتكلم
ع الاسعار
تلقي النار
تلهف لفلوسك
لو رحت
في يومك مشوار
تلقي زحام
والناس بتدوسك
لو يوم تحكي
عن التعليم
تقعد ودماغك
مهووس
ازاي استاذي
وكريم
يسرقني ويقول
دي دروس
لو خدت طريقك
علي طول
في السكه
عمك زغلول
قال ايه وكاتب
ع اليافطه
لو خلص
انا مش مسؤول
يمكن
بيوزع بقلاوه
أو لقمه قاضى
وحلاوه
دي لقمه
لو يعرف صاحبي
بتخلي عقلي
في طراوه
اللحمه
ما فيش
كدا زحمه
الجزار
قاعد بينش
ده راجل
مجدع بدفاتره
بيشكك
للناس بالوش
وفي آخر الشهر
تلاقي
سكاكين حاميه
طوالي
مش فايت
قدام دكانته
لو ناوي
اروح لعيالي

اترك رد

لن يتم نشر عنوان بريدك الإلكتروني.