جريدة النجم الوطني
alnigm.com/gif2.gif

ابنى كذاب بقلم/ا.د.فتحي الشرقاوي

0 142

ابنى كذاب بقلم/ا.د.فتحي الشرقاوي

ابني كذاب… على طول بيكذب عليً….. ممكن تقولي اتصرف معاه إزاي..

بهدوء..عاوزك تركزي في اللي هقولك عليه..

أولاً

لازم تتوقفي فورا من الآن عن وصفك ليه دايما باي صفات سلبية لأنك بكده بتخليه ياخد عن نفسه صورة لذاته مش حلوة ..

وده ممكن يخليه يكذب كنوع من التعويض.

ثانياً

لازم يكون سلوكك وتصرفاتك واقوالك تتسم بالامانة والصدق امامه.

ماهو مش معقول الولد شايفك وشايف ابوه كلكم بتكذبوا وعاوزاه مابيكدبش( التقليد ) بأمارة إيه

ثالثاً

إبتعدي قدر المستطاع عن الأساليب اللي فيها تسلط واجبار وانت بتتعاملي معاه …

لأن تسلطك هيخليه عدائي ناحيتك.. والعدائية دي هتخليه يخاف من عقابك فيكذب عليكِ

رابعاً

لا تميلي اثناء كلامك معاه الى محاولة اثبات انه بيكذب

لأن ده هينشط خياله اكتر فيزيد كدبه اكتر واكتر ..كوني مرنه وابتعدي عن فكرة انه لازم يقر ويعترف

.خامساً

ياريت حضرتك كأم تبتعدي اثناء كلامك مع صاحباتك وقرايبك عن الشكل التهويلي والتضخيمي وانت بتتكلمي في اي موضوع،

لأن الولد بيشوفك بتهولي وبتكبري الموضوعات فبيطلع مهولاتي وبعدها بيجي الكذب كتدرج طبيعي

سادساً

لازم يكون في تناغم بينك وبين جوزك في اساليب تربية الولد

لأن الإختلاف بينكما بيبقى فرصة للولد يدخل من خلاله ويكذب عليكما انتما الاثنان

يارب نفهم

اترك رد

لن يتم نشر عنوان بريدك الإلكتروني.