جريدة النجم الوطني
alnigm.com/gif2.gif

إلى العزيز المعتبر..الدير ترامب فى المبنى الابيض ف البنتاجون أو أي كامب

0 156

بقلم / كمال عبد العزيز

 

 

الدير ترامب
بعد التحيه وكل مايلزم لزوم الاحترام
مع حفظ طبعا للمقام. واللاذي منه والسلام
(واللاذى دى شده ولام)
مخصوص عشان باردون يامان مايتوزن برضه الكلام
لكن ومن قبل الكلام
عايز اسالك
يا هلترى لو قلتلك
يعنى عليكم واللى عندك فى البلد منى السلام
حاترد يابوس السلام
ولاملكش فى الحته دى ودا طبع فيك
اصله عاديك 
الحته دى محتاجه ذوق
وتجيبها تحت تجيبها فوق
الذوق مابيجبهوش علام
قصر الكلام
حاستسمحك ياولد خال العم سام
بردون ترامب
ناخدكده بقى اولا..مع بعض جنب
ناوى اسالك
هو انت مالك؟
واهو البعيد الدلعدى اللى فى سنك يشبهك يتقاله مالك
وبذمتك يادير ترامب
مين اللى طلعها ف دماغك
ياخى داغك
وسوس وقالك كل اللى تحت الارض جازك او مصاغك
لأ.واللى فوقهاكله ملكك وانت مالكه
واخدلى بالكو
نص اللى ف دماغك هبل وامور عبيطه
مش هو دااللى انت حطه فى الخريطه
بيقولك ايه
بيقولك ان المال ده كله وفين يكون على ضهرهاتيك البسيطه
ويكون دينارك او ريالك
ومابين عبط وخياال لبط خليته مالك
وكانه جالك من ميراث جدك وابوك
واهو فى الحساب برضك عيالك
ودا اسمه ايه غير الهبل
ولو ماكنش ده الهبل يبقى الخبل
عين الهبل عين الخبل
عين اللى طايح
لا مؤاخذه قارح
مطلوق وازح
ولاحد عاجبه
ولاحد حابه
بيخون جيرانه ويعض صاحبه
ويا مين يحاسبه
ولحد يوم مايقوم له فيه اللى بشروط لعبه يلاعبه
ويكون باذن الله وعونه
وبحق يوم مشتاق يكونه
قادر بعزم مافيه. يلبه
ايوه يلبه
الكلمه خارجه
طيب ماهو نفسه خارج عن قانون النور وعرف الناس ودين الانسانيه
واهي  دى القضيه
لكن كمان ياكبير حا قولك
بطل بقى اهدى وبطل مصمصه او نقرزه
والمشى فى سكك الاذى
وكفايه شغل المهيصه والدهلزه
وافهم بقى
على قد مانت كبير يابوس
ما بقتش قد الفلحسه والابلسه والعنطزه
وانظر وبص
الخلق قرفت
بتبصلك بصة قرف
مانت عمايلك للاسف
بردون يابوس مقززه
حتى الوجع خلى الجدع يرضى العمى ولا يقبلك
حتى العيال النونو كبرت
ناويه وحالفه تزعلك
مانا قلتلك مابقتش خالص حضرتك
قد اللى كان لك وانتهى وراحت عليه
ولا عدت قد الهلوسه ولا الهبل اللى انت فيه
واكبر كتير منك علا زيك كده ثم اتخسف
وانزاح من الدنيا وهلك
ماتفوق ياحاج
الخلق ضج
والكل شايط
والدنيا اهى ماللى انت. عامله ولا قايله
اهى روخره شايطه
حتى الهوا تتشم فيه ريحة شياط
لكن بقى بردون ترامب
الحق كان م المبتدا ولا منتهى ولاى حق من الحقوق
بس انت فوق
واعرف بان الحق ابقى اعلا وابقى
وده غصب عنك مش بخاطرك
ولا بامرك
واحسب حساب
الدنيا فجأه
وكل اتى لو حاييجى جاي فجأه
وساعتها كل اللى اتقرف واللى اختلف واللى اتسرق واللى اتخطف واللى اتبلف
حايطل فجأه
وعشان يقولك اعلاها لأه
الناس ياعم ترامب باشا م القرف ماعدتش طايقه
واهو تعترف ماتعترفش
اهى مهيصه او فش فش
وكلام بقرش
ولا حتى يسوي ربع قرش
الناس بكيفها بتنسطل
وانت بيسطلك الهطل
وجوابى لسه مانتهاش وحكمله واللى فى شوقك تعمله. بردون يابوس. ابقى اعمله…وحاييجى ايه من ده الهبل الا هبل

اترك رد

لن يتم نشر عنوان بريدك الإلكتروني.