جريدة النجم الوطني
alnigm.com/gif2.gif

إتنين صباحاً/شعر صلاح جاهين

0 21

إتنين صباحاً/شعر صلاح جاهين

إتنين صباحاً/شعر صلاح جاهين


إتنين صباحاً


النـور ملـو الشـــوارع
ومليــون راديــو والــع
السـاعـة اتنين صبــاحـاً
لـكن إيــه المــوانــع
الخـلق رايـحـة جـايـة


والـدنيـا لســه حـيــة
مليـانــة بـالهـــأو أو
وزعيـــق القهــوجيـــة
. . واحــد يقــول لواحـد:
خـليك يــا عــم قـاعـد


التانى يقـول لـه: شــكرا
ده انــا م المغـرب مواعـد
فيه ســهرة لســه عنـدى
فى بيت فـــلان أفنــدى
ح نـاكــل حـاجـة حلوة
ونشـرب تـمـر هنــدى


واللـى تـروح دالقـة جـردل
فـوق حضــرة المبجــل
طـبعا صـاحبنـا يـزعــل
وينفجــر شــتايـــم
والحـى كلـه يـوصـــل ،
مــا بين مصــلح ولايـم ،


اللــى يـقـــــــول: يـــا جــمــاعــة!
واللـى يقـول: يـا بهايـم!
ومطـــرب الإذاعـــة
يصـرخ ، وف وجده هايـم


ولو طـرطـقت ودنــك
فى وسـط دى الـعظـايـم
تســـمع مسـحراتــى


بـطـبلة صــوتها واطـى
بيقـــــول: اصحى يا نايمه

اترك رد

لن يتم نشر عنوان بريدك الإلكتروني.