أيوة حب نفسك
بقلم/ حنان حلمي
لما تحس أنك في
شخص اتخدعت
وحكمت عليه
بسرعة واتسرعت
وتحس إن الدنيا
علي رأسك اتهدت
والدنيا في عنيك
وبيك اضيقت
ساعتها ما تلومش
وتحاسب الا نفسك
بتدي فرصة لكل من
هب ودب يستغلك
طيبة زايدة ولا هبل
ولا هانت عليك نفسك
لو بأيدي احاسبك
كنت بكل قوة ضربتك
سايب اللجام والدفة
والقرار لقلبك وقلبك
عاملك ملطشة وكل
شوية تنجرح وتنذف
تستاهل أيوة تستاهل
أنك بتسمع وتطاوع قلبك
خليك كده علي طول
ادمنت انك تنجرح
وبتحسن الظن في
كل الي حواليك
وبترضي بالذل
والمرار نتيجة فعلك
ياما قلتلك ومن
الحب كتير حذرتك
خاف علي نفسك
شوية وقدرها
أيوة حب نفسك