جريدة النجم الوطني

أول قصيدة شعر…..بقلم / محمد مفتاح

0 36

احصل على تحديثات في الوقت الفعلي مباشرة على جهازك ، اشترك الآن.

أول قصيدة شعر…..بقلم / محمد مفتاح

أول قصيدة شعر
وصفت الحب في عينيكي
لمين يكون ياحبيبتي الشعر
غير ليكي
تايه أنا في الوصف
احتار معايا الحرف
دواينين / تلاته والف
مايكفوكيش لا لاه
حبك كما الحاله
والتوهة في الملكوت
لجمال عينيكي سكوت
دايماً بيهزمني
وسامعه من غير صوت
قادر يكلمني
مين غير عينيكي السود
ياحبيبتي يلهمني
وكأني أنا الموعود
والوعد كان انتى
حاسك كما بنتي
بالظبط في حنانها
وساعات بشوفك أم
وقت الوجع بتضم
ساعة ما أحس بهم
ألقى الحنان جارف
ياحبيبتي مش عارف
ياجميلة الأوصاف
القلب حس وشاف
وكأنك انتي الجي
من بعد ضلمه الضي
تهديني نور الحب
ليه حاسك انتي القرب
وكل البشر اغراب
ياحكاوي حب وشجن
شارد وكنتي السكن
حسيتك انتي الوطن
وراجعله بعد غياب

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.