جريدة النجم الوطني

أوجاع …بقلم / محمد مقتاح

0 116

احصل على تحديثات في الوقت الفعلي مباشرة على جهازك ، اشترك الآن.

أوجاع …بقلم / محمد مقتاح

هكرر شرح أوجاعي
مافيش داعي
حكيتها كتير
مافيش تغيير
وعادي الجرح بقى جرحين
بقيت عاده
وخصبه لجرحي ولاده
ومانقصيش بقى ذياده
كأن للوجع بأهوي
ده حتى المرفي القهوه
بقيت ساده
كأن الحلو مستكتر
وذادلي في المرار أكتر
وقال كمل ده لو تقدر
وانا اتحملت كالعاده
سنين العمر بقيت بتمر
تكر زي خيط تريكوه
وقلبي من الوجع رافض
يقابل حتى ناس حبوه
واحلامه بقيت سوده
وحابس نفسه في الاوضه
بقي مستني قطر الموت
ويدعى يقول يارب يفوت
بيحلم امتي أوقاته
كتير الهم في حياته
يزيد اكتر يفوق عدد محطاته
ده حتى الحلم جاله حزين
يعيش طب ليه ويبقى لمين
كأن الجرح بيقوله باقيلك بس علشانك
وقاله الفرح بلاش خليك في أحزانك
انا مش ليك
كفايه تعيش وهم ماليك
لحد الموت
يزيد الجرح تتحمل ماتنطق صوت
يا ألف سكوت
بيصرخ اه
ومين سامع
حاولت كتير ومش نافع
وعادي عالبشر بيهون
ولو كانو سنين باقيين
وعايش لسه قلبي حزين
هفوضها لرب الكون

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.