جريدة النجم الوطني
alnigm.com/gif2.gif

أهل الفن

0 125

بقلم محمود بيومي:

 

جميلة وجاية تستعرض
في وسط المهرجان والنَّاس
ولابسة قماشة شفافة
ومن تحت القماشة لباس

أتاري الحلوة دي رانيا
وقال فنانة معروفة
وجاية تفرج الدنيا
وكل فخادها مكشوفة

انا آسف على الألفاظ
لكني بقولها من همي
ده مشهد خيبة واستفزاز
يا رانيا اتهدي واتلمي

طريق المجد يا رانيا
وخطف الصورة والشهرة
ماهوش فستانك الشفاف
ولا ان الست تتعرى

يا أهل الفن إنتم فين
وفينها نقابة السينما
وعلّي بيجرى ليه ساكتين
وليكوا نقابة محترمة

سلوك رانيا وغيرها كتير
فضيحة لمصر مش ليها
بتظهرنا بلد طراطير
مافيش ولا محترم فيها

ولما نروح بلد عربي
بنتعاير ببلاويكم
يقولوا مصر عري ورقص
وكل نساءنا زييكم

زمان الفن كان راقي
رسالة نور هدفها صحيح
لكنه بفعلكم واطي
مافيش اخلاق وشكله قبيح

يا ريت تتحلوا بالإحساس
ولا تقولوا كده الموضة
ده مش لبس الظهور يا ناس
ده لَبْس الشقة والأوضة

اترك رد

لن يتم نشر عنوان بريدك الإلكتروني.