جريدة النجم الوطني
alnigm.com/gif2.gif

أنا الحمار .. بقلم / مايسة إمام

0 197

انا الحمار

بقلم / مايسة إمام


بصيت في يوم لمرايتي ،،،،
بعنطظة كالعادة
لقيت شكلى عجيب
كل مادا بزيد زيادة
نسبة كبيرة م السذاجة
لقيت لي ديل وودان طوال
وعنين عبيطة مبرقين
وسنان كبيرة مدلدلين
والنظرة مني غباءها طال
لقيتني بشوف في اللئيم جمال
وشايف كمان الطيبة هبال
وشايف الكل قال ايه ملايكة
حتى لو جناحهم زال
قام جاني الجواب
من غير سؤال
مبقتش لاحق إن اشوف
لهاني سيل ضرب الكفوف
صابني العمى وحالي حال
البردعة مني شكت
مني بكت
قالت : ياشيخ زهقت منك
دا كتر خيبتك
خلتني دايما ملطشة
ولا يحترمني حتي العيال
عاملي ضهرك مرتعة
للكل نازل برطعة
وانا ذنبي ايه في الاستهبال
فاكرهم رمز الوفا
حضن ودفا
لا عيش وملح اختشي
من الأمثال
اللي فاكره صاحب ليك
مستني البرسيم يجيك
تاكلوا سوا
حرن عليك
حليت في عنينه لقمتك
استكترها يا حماااار عليك
هزيت وداني عشان أفوق
ركزت لقتني صحيح بدوق
من سمهم ارطال ارطال
عرفت ساعتها إني حمار
معرفش في أصول الأندال
مبشربش القهوة الزيادة
بس خلاص هشربها سادة
على روح كل من خان وصال
صاحب صديق رفيق طريق
حتي أن كانوا اعمام واخوال


اترك رد

لن يتم نشر عنوان بريدك الإلكتروني.