جريدة النجم الوطني
alnigm.com/gif2.gif

أكيد غلطان بقلم/عبدالله رجب ابوعدنان

0 88

أكيد غلطان بقلم/عبدالله رجب ابوعدنان

لو فاكرني أنسى

تبقى أكيد غلطان

الجرح القديم لسة

بيضح دمع وأحزان

ياما كتير غلطت وسامحتك

كنت بحاول ادوس على نفسي واصالحك

قولي امتا بس جرحتك

وانا كلي شوق و حنان

قدمت كتير ف هوايا

وكان نفسي تكمل معايا

لا رحمت دموعي وبكايا

وواخد على خاطرك وتقلان

فين ها تلاقي زيي فين

انا اللي بشيلك ف نن العين

وجيت على روحي

وخبيت عنك جروحي

لجل ما نكون عاشقين

حبايب وخلان

تغلط وتقول سامح

وترجع تظلم فيا

يا ورد ع الخد طارح

ليه الزعل والاسية

فيها ايه لو بحبك تفاتح

وتحضن قلبي بحنية

وتضمني بشوق زي زمان

لو فاكرني بحب غيرك

يبقى كتر خيرك

واللي بيني وبينك

مش بس حب وغرام

انا اللي مزعلني وقاهرني

افكر فيك وناسيني

وكل مرة تظلمني

وتمشي من غير سلام

وادور على نفسي ف كل مكان

لو فاكرني أنسى

تبقى أكيد غلطان

الجرح القديم لسة

بينضح دمع و احزان

بكرة تشوف وتعرف

للوعد عمري ما بخلف

ولو فضلت تقول وتحلف

عمر حبنا ها يرجع زي ما كان

أكيد غلطان.

اترك رد

لن يتم نشر عنوان بريدك الإلكتروني.