جريدة النجم الوطني
alnigm.com/gif2.gif

أسبـاب بعـض مشـاكل العفشـة اللى بتقابـلك و انت سـايـق ..؟!

0 39

أسبـاب بعـض مشـاكل العفشـة اللى بتقابـلك و انت سـايـق ..؟!

إعداد / محمد الزيدي

1 – لو سمعت صوت ونة على السرعات العالية يبقى العيب فى رولمان بلى العجل
2 – لو سمعت صوت طقطقة فى الملفات يبقى كبالن خارجية و لو صوت خبط مع نقل الغيارات يبقى كبالن داخلية ..
3 – لو الدريسكيون بيتهز مع الفرامل يبقى طنابير او ضبط زوايا
4 – لو الدريسكيون تقيل معاك يبقى عندك مشكلة فى حاجة من دول ..
ان ضغط الهوا فى الكاوتش مش مظبوط
او زيت الباور ناقص
عطل فى علبة الدريسكيون او سير الباور محتاج يتغير
5 – لو العربية مش متزنة معاك فى المطبات و الشوارع المكسرة يبقى بطاحات او مساعدين …
6 – لو عاوز تختبر المساعدين تيجى على كل ركن من اركان العربية ( فوق كل عجلة ) و تضغط جامد لو العربية نزلت و طلعت كذا مرة يبقى المساعد خفيف و جايب اخرة لو ردت مرة واحدة يبقى تمام ..
7 – احسن انك تربط عفشة كل 10 الاف كيلو و تربط على البطاحات
8 – حاول على قد ما تقدر تبعد عن النقر و تبعد عن الطرق المكسرة ..
9 – كل فترة الاحسن تعمل تدوير عجل ( ×× )
10 – بلاش تخميس و لعب


إزاى أعرف إن سوست او المساعدين العربية محتاجه تتغير ؟
1 – وزن العـربية مش مظبوط في الملفات يعني العربية مش موزونة في الملفات
2 – إن الكاوتش بيتاكل بسرعة من مناطق و مناطق تانية لاء
3 – العربية مايلة من جنب عن التاني
4 – العربية مش بتمتص الصدمات عن الوضع الطبيعي في المطبات و الطرق المكسرة
5 – ثبات العربية قليل و مش مظبوط عن الوضع العادي
6 – العربية بقت ناشفة اوي عن الوضع الطبيعي

اترك رد

لن يتم نشر عنوان بريدك الإلكتروني.