جريدة النجم الوطني
alnigm.com/gif2.gif

أحمد ذكى فنان عالمى

0 31

أحمد ذكى فنان عالمى

إعداد دكتور نورا سلطان

-ايه أكتر رأي سمعته من ناقد وبتعتز به وحسيت ان فعلا النقد ده تضعه وسام على صدرك ؟؟

=هو مكنش رأي ناقد ، كان رأي روبرت دي نيرو الفنان العالمي ، كنا في مهرجان موسكو مشاركين بفيلم “زوجة رجل مهم” وكان رئيس لجنة التحكيم روبرت دي نيروت ، المهم بعد عرض الفيلم في المهرجان بـ 15 يوم واحنا في مقر المهرجان دخل علينا روبرت دي نيرو فراح له الأستاذ محمد خان مخرج الفيلم عشان يسأله عن رأيه في الفيلم وراحت معاه مدام ميرفت أمين وكل كاست الفيلم اما انا رجليا نملت ومرحتش لان انا بحبه كممثل بس مُحرج اكلمه بعدين لاحظت روبرت دي نيرو بيتكلم معاهم وباصصلي انا وانا شايفه بس كنت عامل نفسي باصص في حتة تانية لاني كنت مُحرج جدا عايز اعرف رأيه في الفيلم بس قلقان في نفس الوقت ميكونش عجبه الفيلم وانا بحبه جدا فهحبط بقى وكده ، المهم في نص كلامه مع خان وميرفت راح سايبهم وجايلي انا وراح مخبط على كتفي وقالي : am sorry you are a big actor , you are a good actor
كان بيتأسف وبيعتذرلي انهم مدونيش جايزة أفضل ممثل في المهرجان وبعد دي نيرو لقيت أكبر ناقدة في ألمانيا وكانت عضوة في لجنة التحكيم معاه بتعتذرلي هي كمان انهم مدونيش الجايزة بيعتذورلي وهما مديين الجايزة لجين هيكمان الممثل العالمي الكبير فرغم اني مخدتش الجايزة بس اتبسطت جدا برأيهم فيا وفي الفيلم وانهم فاكرينه حتى بعد ما شافوه بـ 15 يوم وبيعتذرولي كمان على الجايزة

أحمد زكي رحمه الله

اترك رد

لن يتم نشر عنوان بريدك الإلكتروني.